როგორ ავიღოთ სესხი უარყოფითი საკრედიტო ისტორიის დროს

როგორ ავიღოთ სესხი უარყოფითი საკრედიტო ისტორიის დროს

სესხი ნებისმიერ ჩვენგანს შეიძლება დასჭირდეს. თანამედროვე ცხოვრების რიტმს თან ახლავს გაუთვალისწინებელი ფინანსური სირთულეები. ამისათვის კი ჩვენი ბიუჯეტი ყოველთვის ვერ იქნება მზად. კრედიტის აღება არც ისე მარტივია. განსაკუთრებით მაშინ როცა უარყოფითი საკრედიტო ისტორია გვაქვს. საფინანსო კომპანიები დიდ ყურადღებას აქცევენ აღნიშნულ ფაქტორს, რადგან სწორედ მისი საშუალებით აფასებენ გადაუხდელობის რისკს. როგორ შევამოწმოთ საკრედიტო ისტორია, გამოვასწოროთ და ავიღოთ სესხი?

საკრედიტო ისტორიის შემოწმება ყველა მსურველისთვის შესაძლებელია. ამისათვის საჭიროა ეწვიოთ „კრედიტინფო საქართველოს“ ვებგვერდს, მიუთითოთ პირადი მონაცემები და გაეცნოთ თქვენს რეიტინგს. საკრედიტო ისტორია მოიცავს ყველა ინფორმაციას თქვენი გადახდების შესახებ; როდის გქონდათ აღებული კრედიტი, რომელი კომპანიიდან, რომელ ვალუტაში, როდის დაფარეთ და სხვა. თუ სესხის აღებას აპირებთ უმჯობესია იცოდეთ თქვენი საკრედიტო ისტორია. ამის მიხედვით მარტივად განსაზღვრავთ თუ რომელ ფინანსურ დაწესებულებას მიმართოთ – ბანკს, მიკროსაფინანსო ორგანიზაციას თუ საკრედიტო კომპანიას. ბანკებში სესხის დამტკიცება ხანგძლივი პროცედურების გავლას უკავშირდება. მაღალ საკრედიტო რეიტინგთან ერთად, ხშირად საჭიროა დასაქმების ცნობა, ამონაწერი ან თავდები. აღნიშნული დოკუმენტების შეგროვებას კი დრო სჭირდება. საკრედიტო კომპანიებში შედარებით მარტივად ხდება კრედიტის გაცემა. განსაკუთრებით კი ონლაინ სესხის, რომლის მისაღებადაც მხოლოდ ვებგვერდზე რეგისტრაცია და პირადი მონაცემების მითითებაა საჭირო.

თუ უარყოფითი საკრედიტო ისტორია გაქვთ, დროა დაიწყოთ მისი გამოსწორება. ამის შანსი თქვენ ყოველთვის გაქვთ.